অস্তমিত অস্তিত্ব
বিদীৰ্ণ সময়, বিপন্ন প্ৰহৰ বৃক্ষই কান্দিছে ফেকুৰি বিস্তৃৰ্ন শিপাই খামুচি ধৰা মাটিৰ পৰা বিচ্ছিন্ন হব লাগিব টলবল যৌৱনৰ গান জিৰিজিৰি, কলপতীয়া জীৱনৰ ছাঁ নিৰিবিলি। পখীৰ বনৰীয়া গুঞ্জন, ঋতুৰ বৰণীয়া সাজ খুলি বৃক্ষ আজি মৃয়মান।। মানৱৰ শুনি গুণাগথা বৃক্ষই গনিছে প্ৰহৰ, কোনোবা মুহূৰ্তত খহি পৰিব তাৰ সুবিশাল কলেৱৰ। সাক্ষী মাথো সি অনেক ইতিহাসৰ। তাৰ প্ৰসাৰিত দুচকুত আজিও সজীব মানৱৰ উত্থান পতন। তাৰ বিশালতাত আশ্ৰিত বিহংগৰ ৰহনীয়া মৌচাক। কাউৰীৰ পৰা কুলি হোৱাৰ ঐতিহাসিক ক্ষণ গণি মিচিকিয়াই হাঁহিছিল বৃক্ষই। ...