জেওৰা
কিমান আৰু বাটিব আপোনাৰ
বাৰীৰ জেওৰা
গছবোৰে বাধা মনা দেখিছে ?
গছবোৰে মাত্ৰ বাঢ়ি যাব জানে ।
সিহঁতেতো নাজানে
আপোনাৰ সীমা ক'ত ।
ক'ত অনাধিকাৰ প্ৰৱেশ ।
গছৰ বাবেতো গোটেই পৃথিৱীখনেই ঘৰ ।
আৰু ঘৰত জানো সীমাৰ প্ৰসংগ আহে !
সেয়েহেতো সিহঁতে আপোনাৰ
জেওৰাৰ ফাঁকবোৰৰ অজুহাত লৈ
বাঢ়ি আহে লাহে লাহে
জেওৰাৰ অস্তিত্বক আওকাণ কৰিবলৈ
সিহঁতক বেছি পৰ নালাগে ।
সেয়েতো সিহঁত গছ
সেউজীয়াবোৰ সিঁচি সিঁচি
জীৱনৰ সুৰ তোলা একো একোটা গান ।
সেউজীয়াবোৰে মাথোঁ বাঢ়ি যাব জানে
আপোনাৰ বাৰীৰ সীমা নেওচি
অথবা হৃদয়ৰ...
সেউজীয়াবোৰে মাথোঁ বাঢ়ি যাব জানে ।
Comments
Post a Comment